विडंबन गीत

’सोबती’मध्ये कवि-कवयित्री खूप. मी कविता करणारा नाही. तरीहि एक विडंबन गीत येथे टाकण्याचा मोह आवरत नाही. क्षमस्व.

माझे जेवण गाणे .........गाणे.

व्यथा असो आनंद असूं दे

उपास किंवा उत्सव असुदे

भूक असो अथवा न असूंदे

खात पुढे मज जाणे ....... माझे ...

कधी जेवतो हॉटेलातुन

कधि ऑफिसच्या कॅंटीनातुन

कधि ’खोक्या’तुन, कधि ढाब्यातुन

पोट भरुन मज घेणे ........ माझे ....

या मित्रानो माझ्या मागे

चवीपरीने खाऊ संगे

तुमच्यापरि माझ्याहि खिशातुन

खुळखुळते हे ’नाणे’ ......... नाणे ..... माझे जेवण गाणे .... गाणे.