हरवले सूर माझे , कंठि ते येतील का ?
भावना माझ्या मनीच्या गायनी येतील का ?
भावनांचा कोंडमारा , साहवेना मम जिवा ,
प्राण अवघा कळवळूनी , दु:ख्ख हो माझ्या जिवा ,
सूर माझ्या अंतरीचे बोलते होतील का ?
* * * *
सूर आळवि भावनांचे , भाव-भक्तीने फुले ,
सूर माझा अडखळे का , भाव होती भुकेले ,
सांग देवा तूच आता , सूर कधि लागेल का ?
* * * *
म्हणुनि वाटे आज जावे , धुंद ऐशा मैफिलिला ,
ताल धरिते ह्रुदय माझे , मुक्त व्हावे सुस्वराला ,
सूर आणि ताल यांचे नृत्य ते रंगेल का ?
* * * * कवयत्री – कै. शुभांगना बापट .
“सोबती” ची सहल फ़ेब्रु . २००७ मध्ये म्हाळशेज जवळ एका फार्म-हाउस वर गेली होती.
फोटोत डावीकडून ७ व्या कै. शुभांगना बापट -
No comments:
Post a Comment